William Auld pri »koleraj junuloj«, Julio Baghy, & Sándor Szathmári

"Ŝajnas al mi, ke la originala esperanta literaturo ankoraŭ ne havas siajn »kolerajn junulojn«. Baghy estis ĉiam tro sentimente kaj universale komprenema por tio; eĉ Szathmári (Vojaĝo al Kazohinio) ŝajnas tro science senemocia por efiki vere kolere. Sed supozeble, kiam ni havos pli amase romanistojn, kelkaj el ili estos junaj kaj koleraj."

    -- William Auld, "Belartoj en la 20a jarcento," en Pri lingvo kaj aliaj artoj (Antverpeno; La Laguna: TK / Stafeto, 1978), p.58. Fina paragrafo de sekcio I: Koleraj Junuloj (pri fenomeno en brita literaturo en la 1950aj jaroj).

David K. Jordan pri historiaj & generaciaj ŝanĝoj pri humuro

Humura Ŝanĝiĝo aŭ "Kial miaj maljunaj gepatroj ne ĝuas la bildstriojn de LAT?"
de David K. Jordan.
Literatura Foiro, n-ro 67 (Junio, 1981), paĝoj 5-10.

Bedaŭrinde mi ne kapablas havigi la jenan tutan artikolon en la angla. Temas pri tipoj de humuro en Esperanto:

Esperanto: the international language of humor; or, What’s funny about Esperanto?
David K. Jordan.
Humor - International Journal of Humor Research. vol. 1, no. 2, pp.143–158.