Kalocsay, Baghy, & hungaraj inter aliaj antologioj
Ekzistas multegaj antologioj en Esperanto, de nacilingvaj literaturoj, originala literaturo, specifaj aŭtoroj, specifaj temoj. Mi jam afiŝis pri (precipe):
- 33 Rakontoj, Nova Esperanta Krestomatio, Trezoro
- Vörösmarty & Babits en Tutmonda Sonoro & Hungara Antologio
- Hungara Antologio (1933)
- Ora Duopo, Memore
- Julio Baghy aŭtune, duono de duopo ora
- Sub la signo de socia muzo, red. William Auld & Stefan Maul
- 75 Jaroj:Aŭtobiografio, Poemoj, Bibliografio de William Auld
- 133 Tagoj de Sovethungario
- Kontraŭ Dio! Ateista Krestomatieto
Nun mi atentigas pri antologioj da hungara literaturo kaj da verkoj de Kálmán Kalocsay kaj Julio Baghy. La enhavtabeloj kaj pluraj enhavaĵoj de la jenaj trovendas miareteje:
- Hungara Antologio, redaktis Kálmán Kalocsay; kunlaboris Julio Baghy, Károly Bodó, László Halka, Ferenc Szilágyi, Ludwig Totsche. Budapest: Literatura Mondo, 1933.
- Hungara Antologio, redaktis Vilmos Benczik. Budapest: Corvina Kiadó, 1983.
- Arĝenta Duopo: Jubilea Libro pri Julio Baghy — Kolomano Kalocsay. 2 volumoj. Budapest: Literatura Mondo, 1937.
- Ora Duopo: Jubilea Libro pri Julio Baghy kaj Kolomano Kalocsay. Budapest: Hungara Esperanto-Asocio, 1966.
“Vento” de Sándor Petőfi, tradukis K. Kalocsay (Arĝenta Duopo, v. 2)
Mi bezonas la enhavtabelon de plua antologio:
La kremo de Kalocsay: malgranda albumo el lia verko originala kaj traduka okaze de la okdekjara datreveno de lia naskiĝo. Bristol: Esperanto-Societo, 1971.
Ĉe mia retpaĝo de Hungara Antologio (1983) estas listoj da aŭtoroj inkluzivitaj en la antologio de 1983 sed ne en tio de 1933, kaj inverse.
Ĉi tiuj aferoj utilas por komparado inter si, kaj ankaŭ konstate pri la interrilatoj de hungaraj esperantistoj kaj nacilingva hungara literaturo kaj la historia rolo de ambaŭ.
Posts
No comments:
Post a Comment